Aвиокомпанија „Флајдил“ соопшти дека во Саудиска Арабија за прв пат извршила лкет со екипаж составен само од жени, што е прв случај во ултраконзервативната земја.

Екипажот е составен од седум членови, сите се жени од Саудиска Арабија, со исклучок на жената пилот за која не е откриено нејзиното државјанство.

Летот ги поврзува градот Ријад и крајбрежниот град Џед.

Управата за цивилна авијација на Саудиска Арабија, која ја потврди најавата на компанијата, промовираше проширување на улогите на жените во воздухопловниот сектор во последниве години.