Во американската држава Јута од следната година ќе биде потребна согласност од родител за тинејџер да може да креира профил на социјалните мрежи.

Гувернерот на Јута потпиша два нови закони кои треба да диктираат како тинејџерите во државата да ги користат апликациите за социјално вмрежување.

Image by rawpixel.com on Freepik

Според новиот закон, компаниите како Мета, Снеп и ТикТок ќе треба да добијат дозвола од родителите пред нивните деца да можат да креираат профили на нивните платформи. Законите бараат и полициски час, родителска контрола и карактеристики за проверка на возраста.

Новите закони би можеле драматично да го променат начинот на кој социјалните мрежи управуваат со сметките на нивните најмлади корисници. Покрај родителската согласност и проверката на возраста, законите им забрануваат на компаниите „да користат дизајни или карактеристики што предизвикуваат малолетниците да станат зависни од социјалните мрежи“.

Сè уште не е јасно како претставниците на Јута имаат намера да ги спроведат новите закони и како тие ќе се применуваат на постоечките сметки што ги имаат тинејџерите на социјалните мрежи. И двата закони треба да стапат во сила во март следната година.

Малолетниците ќе можат да користат ТикТок само еден час дневно

Ефектот што социјалните мрежи можат да го имаат врз тинејџерите, особено помладите, веќе некое време е во центарот на вниманието. На почетокот на оваа година беше откриено дека 13-годишна возраст е прерано за да им се дозволи на тинејџерите да користат социјални мрежи. Законодавците во Конгресот и на други места предложија законодавство што ќе ја ограничи способноста на тинејџерите да користат апликации за социјално вмрежување.

Сепак, не сите се согласуваат дека законите кои им забрануваат на тинејџерите да користат социјални медиуми се всушност вистинскиот пристап. Фондацијата Electronic Frontier, организација која ги промовира дигиталните права, се спротивставува на законот и вели дека тој ги прекршува правата на младите од Првиот амандман.