Со одлуката на ЕУ за забрана на продажба на нови автомобили на бензин и дизел автомобилите можат да станат привилегија само на богатите.

Image by prostooleh on Freepik

Европската унија одлучи да ја забрани продажбата на нови автомобили на бензин и дизел од 2035 година, со можност таа одлука да се ревидира во 2026 година.

Како што можевме да видиме, еден настан како војната во Украина може да ги наруши стратешките планови на речиси сите земји во светот, па затоа е тешко да се предвиди што ќе се случи во следната деценија. Сепак, доколку навистина се спроведе одлуката за забрана за продажба на нови возила со SUS мотори од 2035 година, тоа значи дека за десет години на патиштата ќе имаме многу електрични возила со батерии, а можеби и возила со водородни горивни ќелии, пренесува Ревијахак.

И додека Volkswagen ја прифаќа одлуката да ја прекине продажбата на бензин и дизел автомобилите во Европа, BMW ја критикува. Директорот на БМВ, Оливер Ципсе, забраната за продажба на нови автомобили со мотори со внатрешно согорување ја смета за политички опасна.

Поголеми даноци за возилата на фосилни горива, а поволности за оние на струја?

„Ако сопственоста на автомобил одеднаш стане достапна само за богатите луѓе, тоа е опасна работа“, објаснува Ципсе.

БМВ поддржува амбициозни регулативи за возила, но поставувањето цврст датум за запирање на продажбата на SUS возила може да значи и дека луѓето ќе продолжат да ги возат своите стари автомобили.

Додуша, во БМВ секако се загрижени поради фактот што со доаѓањето на електричната мобилност на пазарот се појавија и други сериозни играчи како Тесла.