Промената на летното сметање на времето влијае врз луѓето. На 27 март ќе започне летното сметање на времето и стрелката на часовникот ќе се промени за еден час, што значи 2 часот наутро ќе биде 3 часот.

Со поместувањето на часовникот се поместува и човечкиот биоритам кој што е важен за нормално функционирање на луѓето. Истражувањата покажале дека многу сообраќајни несреќи се случиле во првиот ден после промената на времето.

Д-р Даг Кирш, портпарол на Американската академија за медицината на спиењето изјавил дека ваквата промена носи промени кои го исцрпуваат телото и може да имаат лошо влијание врз човекот. Тој советува дека треба да се држиме до стандардното време бидејќи не секој може да се прилагоди на промените од сметањето на времето.

Photo by Klim Musalimov on Unsplash

Најчесто промената на времето им пречи најмногу на луѓето кои се навикнати да стануваат почесто, додека наспроти нив луѓето кои спијат помалку часови, полесно ја прифаќаат оваа промена.

Гоце.мк – Водич за продуктивен ден после уморна ноќ – (goce.mk)

Неколку совети како да ја преживеете промената на времето.

• Неколку вечери пред да се промени времето, направете го вашиот аларм да ве буди 15 минути порано. Истото направете го и со вашите оброци и активности.
• Ако се чувствувате изморено, а уште е пладне, не претерувајте со кафето.
• Не размислувајте премногу за тоа дека ќе се разбудите порано.
• Пробајте да сте што повеќе време надвор. Експертите велат дека добивањето сончева светлина му помага на телото да го ресетира внатрешниот часовник.
• Не јадете тешка храна која може да ви го отежне процесот на заспивање.