Околу половина од сите нови автомобили се премногу широки за типичен паркинг простор во европските градови, и се упатуваат апели да се смени трендот на SUV – ови и поголеми возила.

Image by jcomp on Freepik

Според кампањата „Транспорт и животна средина“, просечниот нов автомобил станува 1 сантиметар поширок на секои две години, а типичната ширина на автомобилот сега е 180,3 сантиметри, од 177,8 сантиметри во 2018 година.

Групата вели дека меѓу 100-те најпопуларни автомобили во Европа, 52 се премногу широки за типичен уличен паркинг простор од 180 сантиметри во големите градови како Лондон, Париз и Рим. Исто така, се вели дека зголемениот број на големи теренци „остава премал простор за патниците да влезат и излезат од возилото“.

Стокхолм од 2025 ги забранува дизелите и бензинците

– Автомобилите се пошироки со децении и овој тренд ќе продолжи се додека не поставиме построга граница. Во моментов, законот дозволува новите автомобили да бидат широки колку камионите. Резултатот се големи теренци и пикапи во американски стил паркирани на нашите тротоари, загрозувајќи ги пешаците, велосипедистите и сите останати на патот, рече Џејмс Никс, шеф на политиката за возила во Transport & Environment.

Истражувањето беше објавено додека Париз се подготвува да гласа за зголемување на таксите за паркирање за поголеми и потешки автомобили, особено за теренци. На 4 февруари се одржува референдум за тројно зголемување на цената на паркирањето за вакви возила, иако тоа не би се однесувало на жителите на Париз, туку на оние кои го посетуваат.