ОН бараат истрага за скандалот со стотина мигранти, кои голи биле најдени на турско – грчката граница, наводно малтретирани од турските власти.

Фото: YouTube

Во текот на викендот на границата меѓу Грција и Турција биле пронајдени 92 голи мигранти. Според грчките извештаи, турските власти ги принудиле да се качат на три возила кои ги однеле до границата. Мигрантите сведочеле дека биле принудени да се соблекуваат пред да се качат. Од Анкара велат дека тоа се лажни извештаи дека Атина сака да фрли сомнеж на Турција. ОН бараат истрага.

Грчката полиција спаси мажи кои беа голи, а некои повредени во близина на северната граница со Турција. Не беше јасно како мажите се соблекоа. Мигрантите првпат биле забележани во петокот во близина на реката Еврос, која ја означува границата меѓу Грција и Турција.

Истрагата на грчката полиција Фронтекс откри докази дека мигранти ја преминале реката на грчка територија со гумени чамци од Турција.

Наводно, мигрантите им рекле на полицијата и на претставниците на Фронтекс дека турските власти ги натерале да влезат во три возила кои ги одвеле до границата. Мигрантите сведочеле дека биле принудени да се соблечат голи пред да се качат.

92 мигранти тврдат дека биле принудувани да се соблекуваат

„Провокативното однесување на Турција ги надмина сите граници“, објави во саботата грчкото Министерство за азил и миграција.

Грчкиот министер за миграција, Нотис Митараки, објави фотографија на својот Твитер профил, на која наводно се гледаат повеќе од 20 голи мажи како сквотираат на отворено.

„Однесувањето на Турција кон 92-те мигранти што денеска ги спасивме на границите е срам за цивилизацијата. Очекуваме Анкара да го истражи инцидентот и конечно да ги заштити своите граници со ЕУ“, рече Митараки.

Лажните вести најавуваа до 200.000 мигранти, во Македонија влегле 3.800, а побарале азил само 386

Фахретин Алтун, шефот на турската Дирекција за комуникации и главен портпарол на претседателот Реџеп Таип Ердоган, изјави дека обвинувањата на грчката страна се неосновани.

„Грчката машина за лажни вести повторно работи“, напиша тој на Твитер.

Осврнувајќи се на извештајот на Митарачи за спасувањето на границата, Алтун рече дека извештајот е со „лажна содржина“ со намера „да ја стави нашата земја под сомнеж“.

„Грција уште еднаш му покажа на целиот свет дека не го ни почитува достоинството на овие угнетени луѓе, објавувајќи фотографии од бегалците што ги депортираше, изнудувајќи ги нивните лични работи“, додаде тој.

ОН бараат истрага за наводите на малтретирање

ОН одговорија со соопштение, велејќи дека се „длабоко вознемирени“ од откривањето на речиси 100 голи мажи на грчко-турската граница.

„Го осудуваме ваквиот суров и понижувачки третман и повикуваме на целосна истрага за овој инцидент“, соопшти УНХЦР.

Од почетокот на мигрантската криза во 2015 година, Грција е нападната. Во однос на тој период, бројот на мигрантите кои пристигнуваат на грчкото крајбрежје е намален, но локалните власти наведуваат дека во последно време е забележан пораст на пристигнувања преку копнената граница со Турција, но и на островите.

Турција ја обвинува Грција дека насилно ги враќа мигрантите назад во Турција. Атина пак вели дека Турција ги турка мигрантите кон Европската унија.